مين مننا مايحبش يكون إبنه أو بنته عبقرى وذكى ويكون فى
المستقبل عالم أو مخترع أوكاتب أو مبرمج كمبيوتر.
مين شايف فى إبنه موهبة فى شىء معين ونفسه يساعده فى تنمية مواهبة وقدراته والإرتقاء بها.
مين مننا مش شايف إن مستوى التعليم فى بلدنا متأخرولا يقدم لأولادنا المادة العلمية الكافية لتنمية مهاراتهم وإكسابهم مهارات جديدة
مين مننا مش شايف إن التعليم فى بلدنا بيقتل الإبداع عند الطفل و بيحول الطفل لماكينة حفظ وصم وبس بدون فهم أو تفكير.
مين أم أو أب نفسه ولاده يتعلموا بطريقة أحسن منه ويخليهم يحبوا العلم بدل مايكرهوه
مين شايف فى إبنه موهبة فى شىء معين ونفسه يساعده فى تنمية مواهبة وقدراته والإرتقاء بها.
مين مننا مش شايف إن مستوى التعليم فى بلدنا متأخرولا يقدم لأولادنا المادة العلمية الكافية لتنمية مهاراتهم وإكسابهم مهارات جديدة
مين مننا مش شايف إن التعليم فى بلدنا بيقتل الإبداع عند الطفل و بيحول الطفل لماكينة حفظ وصم وبس بدون فهم أو تفكير.
مين أم أو أب نفسه ولاده يتعلموا بطريقة أحسن منه ويخليهم يحبوا العلم بدل مايكرهوه
مين نفسه يحاول يكتشف مهارات أولاده و مواهبهم.
أكيد كلنا نفسنا فى ده... و أكيد كتير مننا عرف إبنه موهوب فى
إيه وفرح جدا إن إبنه عنده موهبة فى الرسم أو العلوم أو الكمبيوتر أو .... وإبتدى
يدور لأبنه على مكان كويس يساعد إبنه ينمى موهبته ويطور مهاراته وقدراته ولكن
أصطدم بالواقع المؤلم وهو الإمكانيات المادية!!!! أيوه الإمكانيات المادية... كل
الأماكن اللى بتقدم الخدمة دى مكلفة جدا ولايوجد شئ حكومى مدعم إلا نادرا وغالبا
إما فى مناطق بعيدة مثل المدن الجديدة أو مدة قصيرة لا تتجاوز شهر فى الإجازة
الصيفية . كما إن أغلب الأماكن دى بتشترط سن معين غالبا لايقل عن 8 سنوات!!! مع إن
أفضل مرحلة فى عمر الطفل من حيث معدل الذكاء والرغبة فى التعلم والإستكشاف هى ما
دون الثامنة
عشان كده إحنا عملنا المدونة دى وقررنا نقدمها لكم ونساعدكم
ونساعد أولادكم. إحنا أباء وأمهات زيكم نفسنا نشوف أولادنا أحسن و نفسنا نشوفهم
علماء وأطباء ومهندسين فاهمين مش حافظين. مخترعين و مبدعين يفيدوا وطنهم ودينهم
لو إبنك بيحب مجال معين مثل الفنون والمهارات اليدوية أو
العلوم أو الكمبيوتر تقدر تدخل على القسم المحبب لطفلك والتركيز على هذا الجانب.
ويفضل أن تعلم طفلك من كل الأقسام (العلوم والفنون والكمبيوتر)
حتى يكون طفل متوازن لديه مايكفى من العلم والمعرفة فى المجالات المختلفة.
هانقدم لكم فى المدونة كل ما يفيد أطفالكم فى كل المجالات. هاتكون مصادرنا متنوعة مختلفة. يعنى ببساطة فى مدونتنا ها نجمعلك كل ماهو مفيد وجيد فى مكان واحد ونوفرعليكم الوقت والجهد والتفكير أعلم إبنى إيه؟ و أبدأ معاه منين؟ فقط تابعونا بإستمرار وشاركونا بإقتراحاتكم وتعليقاتكم.
هانقدم لكم فى المدونة كل ما يفيد أطفالكم فى كل المجالات. هاتكون مصادرنا متنوعة مختلفة. يعنى ببساطة فى مدونتنا ها نجمعلك كل ماهو مفيد وجيد فى مكان واحد ونوفرعليكم الوقت والجهد والتفكير أعلم إبنى إيه؟ و أبدأ معاه منين؟ فقط تابعونا بإستمرار وشاركونا بإقتراحاتكم وتعليقاتكم.
