ورشة العلوم "علوم فى المطبخ"

النهاردة هانعلمكم تعملوا تجارب بسيطة فى المطبخ!! إيه فى المطبخ؟ أيوة بإمكانيات بسيطة عندنا كلنا فى المطبخ نقدر نعمل تجارب علمية نتعلم منها ونعلم أطفالنا بيها قواعد علمية بسيطة وسهلة.







1- تجربة التوتر السطحى للماء والصابون


الأدوات

طبق صغير به ماء, فلفل , صابون سائل



الخطوات
نقوم برش القليل من الفلفل على سطح الماء ونلاحظ انتشار الفلفل على سطح الماء كله, ثم نقوم بوضع نقطة صابون سائل عل طرف صبعنا ونسكبها على الماء فى المنتصف تقريبا سنلاحظ انحصار الفلفل على الأطراف فقط لماذا؟؟؟؟؟



التفسير العلمى

يقوم الصابون بتقليل التوتر السطحى للماء يعنى بالبلدى كده سطح الماء طبيعته انه مشدود ومتماسك ولما بنحط الصابون عليه بيبوظ الشدة دى وبالتالى اى شىء على سطح الماء زى الفلفل هاينتشرمع انتشار الماء يعنى بعد ما كانت جزيئات الماء مترابطة وماسكة مع بعض بقوة, الصابون بيقلل الترابط ده وكل جزء بيبعد عن التانى وبياخد معاه الفلفل اللى على السطح
بس كده يارب تكون عجبتكم

وده فيديو توضيحى

2- تجربة البرتقالة العائمة

الأدوات

دورق زجاجى لو امكن او اى دورق كبير,برتقالتين,ماء

الخطوات

نملئ الدورق بالماء ثم نقوم بوضع برتقالة سليمة بقشرها فى الدورق, سنلاحظ ان البرتقالة تطفو على سطح الماء!!!

والآن نقوم بتقشير البرتقالة الثانية جيدا بس لازم تتقشر كويس يعنى حتى الطبقة البيضة اللى جوه لازم تتشال عشان التجربة تنجح, نقوم بوضعها فى الدورق بدلا من البرتقالة اللى بالقشر, سنلاحظ انغماس البرتقالة فى الماء!!!! ياترى إيه السبب؟؟

التفسير العلمى

البرتقالة اللى بقشرها بتطفو على سطح الماء لإن ببساطة قشر البرتقال به فتحات صغيرة جدا (ثغور دقيقة) لو ركزنا فى القشرة هانشوفها, الفتحات دى بقه بيدخلها الهواء وده بيخليها خفيفة ومحمولة على سطح الماء عكس البرتقال اللى من غير قشر

وده فيديو توضيحى لطفل من أطفالنا الصغار اللى نفسه يكون عالم عبقرى, أدعوله ربنا يوفقه

يارب تعجب أطفالكم ....