فى الورشة دى هانعلم أطفالنا و علمائنا الصغار إزاى يصنعوا لعبه يلعبوا بيها من صنع إيديهم.. ما تتصوروش ده هايعمل ايه فى نفسية الطفل لما يصنع و يبتكر لعبة ممكن يلعب بيها بنفسه!!! و فى نفس الوقت اللعبة دى يكون ليها أساس علمى و قانون لعالم كبير زى نيوتن , يعنى ها يلعب و يستمتع و يتعرف بشكل عملى على قانون جديد من قوانين الفيزياء..!! مش هأطول عليكم تعالوا نتعلم مع بعض..

الأدوات:

قطعة من الكرتون المقوى
لصق قوى ( لحام كهرباء مثلا او اى لصق)
2 سى دى قديم
أستيك
عود خشبى ( اللى بيتعمل عليه الشيش طاووق, بيتباع فى محلات 2 ونص)
مقص
2 عصا آيس كريم
مسدس شمع ( بيتباع عند بتوع البويات و أدوات الطلاء تقريبا ب 25 ج و الشمعة الواحده ب 1 ج) أو صمغ

الخطوات:

نقص الكرتونه كما بالشكل و نقوم بإدخال العصا الخشبية خلال الكرتونة.

نقص كرتونة صغيرة نسد بها فتحة السى دى من جانب و نلصقها بمسدس الشمع و إما أن نستخدم من الداخل صلصال او نثبت السى دى بالشمع حتى تكون ثابته على العصا الخشبية, و نفعل المثل مع السى دى الأخرى.

نتأكد من حرية حركة العصا الخشبية و الاسطوانات, نقوم بتثبيت قطعة كرتون صغيرة بمسدس الشمع او الصمغ على منتصف العصا حتى تكون محورا , ونتأكد من ثباتها جيدا بحيث لا تلف وحدها بدون ان تلف معها العصا الخشبية كأنها لصق بالظبط , نلصق عصا الآيس كريم على الجانبين حتى لا تنطوى الكرتونة و تظل متماسكة مع شد الاستيك عدة مرات.

نقوم بلصق او تدبيس الأستيك المطاطى فى الطرف الأخير من الكرتونة ثم نلفه على الكرتونة ( المحور) و نتأكد من حرية حركتها.

حرك العجلات ( السيديهات) للخلف لكى يلتف الاستيك اكثر و اكثر حول المحور ثم اتركه و ضع العربه على الأرض.

و الآن عربة السيديهات جاهزة للإنطلاق.

للتوضيح أكثر شاهد الفيديو:

** تقوم فكرة عمل هذة العربة على قانون نيوتن الثالث ( لكل فعل رد فعل, مساوى له فى المقدار ومضاد له فى الإتجاه)

الفعل هنا هو ( شد الاستيك ولفه حول المحور عدة مرات) رد الفعل هو ( تحرك العجلات للأمام عكس اتجاه شد الاستيك و بنفس المقدار بحيث كلما تزيد عدد اللفات و الشد تزداد حركة العجلات)

و هذة نماذج أخرى لهذة العربة ولكن بإستخدام أدوات أخرى