ورشة البركان دى ممتعة
جدا ومسلية لكل الأطفال وللكبار كمان, هانعمل فيها تجربة بسيطة وسهلة وممتعة توضح
كيفية حدوث البركان وكيفية خروج الحمم البركانية من فوهة البركان, و بالتالى
هانعلم طفلنا العبقرى يعنى إيه بركان ؟ وكيف يحدث البركان؟
ببساطة يعنى إيه بركان؟
البركان هو مكان على سطح
الأرض حصل فيه بعض الشقوق العميقة وده أدى إن بعض المواد المنصهرة الشديدة الحرارة
الموجودة فى باطن الأرض إنها تتجمع وتخرج
عن طريق الشق ده وبكده يتكون الشكل المخروطى كما فى الصورة الأولى وطبعا المواد
المنصهرة دى بيصاحبها بخار وغاز وحمم ورماد بركانى.
ودى
مجموعة صور لبعض البراكين:
وده
فيديو لمزيد من المعلومات عن تكوين طبقات الأرض لفهم أن المواد المنصهرة موجودة
أصلا فى باطن الأرض ( يرجى المشاهدة من أول الفيديو حتى الدقيقة 1.20 فقط مناسب للأطفال )
الفيلم الوثائقي العلمي البراكين
وكمان ده:
فيديو تعليمي (البراكين)
والآن حان موعد التجربة الشيقة الممتعة
ده فيديو به طريقة سهلة جدا
الأدوات:
فازة, لون طعام أحمر, بيكنج بودر, جليتر, خل
والطريقة موضحة بالفيديو:
وهذه طريقة أخرى لو كنتم عايزين تلعبوا شوية
وتعكو الدنيا J كما أنى أوصيكم بجعل
أطفالنا يشاهدوه حتى يروا أن طفلا فى مثل عمرهم أو أقل يقوم بعمل التجربة مما
يشجعهم ويحفزهم على عمل التجارب ويمكنكم أيضا إضافة المزيد من المتعة للتجربة
بتصوير طفلك وهو يقوم بها بمفرده و الإحتفاظ بها للذكرى فهذا سيقوى ثقته بنفسه
ويجعله يشعر أنه عالم ومخترع... ونصيحة بلاش تنشروها عالنت عشان الحسد J
الأدوات لتكوين الشكل المخروطى:
2 كوب دقيق, كوب ملح, كوب ماء, ملعقتين زيت
نضع كل المكونات دى على بعض ونخلطهم ببعض كويس
وعكوا براحتكم J و أعملوا من العجينة
المتكونة شكل جبل ثم ضع كوب صغير فى منتصف الجبل كما بالفيديو ولو عايزين تدهنوا
الشكل المخروطى ده باللون البنى عشان يشبة شكل البركان من الخارج فيمكنكم ذلك
بإستخدام ألوان الماء
أو بدل
كل ده ممكن نعمله بإستخدام تربة طينية من أى جنينة او مشتل
أدوات عمل الحمم البركانية:
خل, كربوناتو (بيكنج بودر), صابون سائل, لون أحمر
( لون طعام أو ممكن ميكروكروم من الصيدلية)
نضع الكربوناتو داخل الكوب ثم القليل من الصابون
السائل ثم إضافة اللون الأحمر و أخيرا فى النهاية نضع الخل وأستمتع بمنظر الحمم
البركانية وهى تنطلق من البركان J
